თუ ოდესმე გიფიქრიათ, რატომ გამოიყურება ზოგიერთი ადამიანი მუდამ ახალგაზრდულად და ენერგიულად, პასუხი შესაძლოა ანტიოქსიდანტებში იმალებოდეს. დღევანდელი ბლოგი ეძღვნება ამ საოცარ პროცედურას, რომელმაც არაერთი ადამიანის კანის მდგომარეობა და საერთო ჯანმრთელობა მნიშვნელოვნად გააუმჯობესა.

ალბათ გაინტერესებთ, რა არის ანტიოქსიდანტური პროცედურა?!
ანტიოქსიდანტური პროცედურა არის ინოვაციური მეთოდი, რომელიც იყენებს მაღალი კონცენტრაციის ანტიოქსიდანტებს (როგორებიცაა ვიტამინი C, E, რესვერატროლი და სხვა) კანის დასაცავად და აღსადგენად. პროცედურა ებრძვის თავისუფალ რადიკალებს - მოლეკულებს, რომლებიც აზიანებენ უჯრედებს და აჩქარებენ დაბერების პროცესს.

ყოველდღიურად ჩვენს კანზე უამრავი ფაქტორი ახდენს უარყოფით გავლენას: დაბინძურებული ჰაერი, ულტრაიისფერი გამოსხივება, სტრესი, არაჯანსაღი კვება. ეს ყველაფერი იწვევს ოქსიდაციურ სტრესს და კანის ნაადრევ დაბერებას. ანტიოქსიდანტური პროცედურის ეფექტურობა იმაში მდგომარეობს, რომ ის მოქმედებს უჯრედულ დონეზე. ანტიოქსიდანტები ანეიტრალებენ თავისუფალ რადიკალებს, რითაც ამცირებენ ოქსიდაციურ სტრესს და უჯრედების დაზიანებას. ასტიმულირებენ კოლაგენის წარმოებას, რითაც უმჯობესდება კანის ელასტიურობა. აძლიერებენ კანის დამცავ ბარიერს, რაც კანს უფრო მდგრადგს ხდის გარემო ფაქტორების მიმართ. ხელს უწყობენ უჯრედების რეგენერაციას, რაც აჩქარებს დაზიანებული უჯრედის აღდგენას.

შედეგები, რომლებიც ნამდვილად ღირს ლოდინად - პროცედურის დასრულებიდან რამდენიმე საათში უკვე შესამჩნევია, რომ კანი ნოტიო და ელასტიური ხდება. მაგრამ ნამდვილი სასწაული რამდენიმე დღეში იწყება.

პირველი კვირის შემდეგ:

კანი ხდება ნათელი და გამოცოცხლებული

ქრება მცირე წითელი ლაქები და გაღიზიანება

მცირდება წვრილი ნაოჭები თვალების გარშემო

ერთი თვის შემდეგ:

კანის ტონი მნიშვნელოვნად უმჯობესდება და თანაბრდება

ჩნდება ჯანმრთელი სიკაშკაშე

პროცედურა უნივერსალური და სასარგებლოა პრაქტიკულად ყველა ტიპის კანისთვის, განსაკუთრებით კი:

30+ ასაკის ადამიანებისთვის, რომლებიც ამჩნევენ დაბერების პირველ ნიშნებს

მგრძნობიარე კანის მქონე ადამიანებისთვის, რომლებიც განიცდიან კანის ხშირ გაღიზიანებას და ანთებას

აქტიური ცხოვრების წესის მიმდევრებისთვის, რომლებიც ხშირად იმყოფებიან მზეზე

სტრესულ სამუშაო გარემოში მყოფთათვის, სადაც კანი განიცდის თავისუფალი რადიკალების ზემოქმედებას

ანტიოქსიდანტური პროცედურა არ არის უბრალოდ კიდევ ერთი კოსმეტიკური პროცედურა - ეს არის ნამდვილი ელექსირი თქვენი ჯანმრთელი კანისთვის. ის არა მხოლოდ აუმჯობესებს გარეგნობას, არამედ იცავს კანს მომავალი დაზიანებისგან.